ពលរដ្ឋខ្មែររាប់ពាន់នាក់ធ្វើដំណើរទៅភូមិជោគជ័យ ក្រោយអ្នកភូមិប៉ះទង្គិចជាមួយទាហានថៃ

ពលរដ្ឋខ្មែររាប់ពាន់នាក់បានធ្វើដំណើរទៅភូមិជោគជ័យ ខេត្តបន្ទាយមានជ័យ និងមកពីខេត្តមួយចំនួនទៀត នៅថ្ងៃទី២៦ ខែសីហា បន្ទាប់ពីក្រុមទាហានថៃព្យាយាមរាយបន្លាលួស និងដេញពលរដ្ឋខ្មែរចេញពីផ្ទះសម្បែង។ បើទោះជាពួកគាត់ត្រូវបានក្រុមយោធាថៃឈ្លានពានក្ដី អាជ្ញាធរខ្មែរបែរជារារាំង មិនឱ្យចូលទៅដល់ទីតាំងដែលទាហានថៃព្យាយាមរាយបន្លាលួស ហើយថែមទាំងបានរឹតត្បិតក្រុមអ្នកសារព័ត៌មាន មិនថតនិងផ្សាយផ្ទាល់ឡើយ។